KONTUAN IZAN BEHARREKO ARAUDI ALDAKETAK

Hiru mailetako federazioek -ETxF, RFEC eta UCI- haien araudiak eguneratu dituzte eta lehiaketa sasoi berriaren atarian epaileen batzordeak hainbat kontu argitu nahi izan ditu txirrindularitza komunitateak argi izan ditzan aldaketa hauek. ETxF -ko araudien aldaketei dagokienez soilik eragingo diote ETxF -ko egutegi ofizialeko lasterketei. Beraz, eragingo diote Euskadiko Txapelketei, Euskaldun Txapelketei, Lehendakari Txapelketari, Euskal Herria Txapelketari, Gaztetxoak Txapelketari eta gainerako probeei. Argitasun gehiago izateko, maila edo lasterketa mota izan, X.XX.6, X.XX.7 eta X.XX.8 klaseko lasterketei eragingo diote.

Federazio honek ezarritako aldaketen artean iaz hasitako anoa dinamikaren araua hobetu egin da. Antolatzaileek derrigor dute anoa puntuen markaketa ibilbide-krokisak aurkeztean. Puntu hauek oinez ura emateko puntu bakarra dira lasterketan zehar. Hauen banaketa UCIk markatutako kriterioen arabera antolatuko da eta beti ere Eusko Jaurlaritzak Euskalmeten bitartez markatutako alerta egoerek markatu ditzazketen moldaketen eraginpean izango dira. Gogoratu aldi berean anoa puntuetan jarduteko teknikariek eta laguntzaileek txirrindularitza lizentzia indarrean eta Euskal Herrian balioduna izan beharko dutela.

ETxFren araudian ere zehaztu da espezializatutako txirrindulariek beti ere dagokion proban bere espezialidadea markatzen duen klubarekin edo taldearekin parte hartuko dutela. Gainera, txirrindulari horrek bere klubak edo taldeak izan ditzazkeen partaide kopuruan metatuko da. Formakuntza txirrindulariei dagokienez iaz emandako pausua formalizatu egin da araudian. Bi txirrindulariek talde bakoitzeko parte hartu ahalko dute Lehendakari Txapelketako lasterketetan, 23 urtez azpiko gisako txirrindulari bezala hartuta. Parte hartu ahal izateko RFEC -ren erregistroan ageri beharko dira eta Espainiako Txirrindularitza Errege Federazioak markatutako baldintzak eta epeak errespetatu beharko dituzte.

Nazioarteko Txirrindularitza Batzordeak, UCI -k ere hainbat moldaketa tekniko aurkeztu ditu aurten, batez ere ekipamenduari begira. Arau hauek federatutako edozein txirrindulari lasterketari eragiten diote eta derrigor jarraitu beharko dituzte lizentziadun guztiek. Dilista formako gurpilen erabilera baimenduta dagoen egoeretaz haratago, gurpilen hagunek 65mm -tako garaiera izan beharko du gehienez ere (gurpilaren osotasunaren erradioaren norabidean neurtuta). Heldulekuen kasuan neurri minimoak markatu ditu UCI -k. Heldulekua beraren gutxieneko zabalera -kanpoko puntatik kanpoko puntara- 400mm -takoa da errepide eta ziklo-kros probetan. Gainera heldulekuetako kanpoko eta barruko erpinen arteko neurri maximoa 65mm -takoa da. Galga kirtenen arteko barruko gutxieneko distantzia 280mm -takoa da, kirten hauen gehienezko makurdura 10º -takoa da. UCI -k ezarritako azken aldaketak kaskoen xehetasunei dagokie. Hauen gutxieneko eta gehienezko neurriak markatzeaz gain, UCIk arautu egin du debekatuta dagoela kasko tradizionalak erabiltzen direnean kasko hauek giza zentzumenen hautematzeari eragitea. Horrela ezingo dira pantailak edo biserak erabili ezta ere belarririk estali.