ENTRE A AREA E A AUGA, PARA CONQUISTAR O LAGO DE AS PONTES

Euskal Herriko ziklo-kros egutegia amaituta Euskadiko Ziklo-Kros Selekzioarentzat helburu nagusia iristear dago Galizako As Pontes herri eta laku inguruan ospatuko diren estatuko ziklo-kros txapelketekin. Neguan zehar erakutsitako errendimendua eta Aiaran ospatutako Euskadiko Ziklo-Kros Txapelketaren emaitzarekin diseinatu egin da Euskadiko Selekzioa. Nabarmentzekoa ere kadete mailan egindako lana teknifikazio jardunaldietan Javier Ruiz de Larrinaga Ibañez hautatzaile ohiaren eskutik. Behin Ruiz de Larrinagak kargua utzita Manu Gonzalez Truebak hartu du ardura selekzioa atontzeko.

Kadete, junior eta 23 urtez azpiko mailako ordezkariak izango dira Euskadi ordezkatzen txapelketetan. Kadete mailan Ibai Colmenero Fernandez, June del Teso Olaizola, Ekain Hernando Cuadrado, Markel Iglesias Ureta, Laia Lera Gil, Maider Lorenzo Alonso, Aitor Murguzur Diaz de Monasterioguren, Maixa Odriozola Aierbe, Galder Orio Lopez eta Noa Vega Bilbao izango dira Euskadiko Selekzioko kide. Junior mailako ordezkariak Markel Aranaz Seco, Irati Aranguren Carbaieda, Nahia Garcia Bidaburu, Mirari Gotxi Olartekoetxea, Aner Irizar Rodriguez, Maier Olano Arozena, Iker Sanz Ponce eta Arkaitz Suso Arakama izango dira. Selekzioa 23 urtez azpiko lau txirrindulariek osatuko dute, hain zuzen ere Nahia Arana Quintanilla, Gorka Corres Ibañez de Opakua, Nahia de Miguel Etxebarria eta Hodei Muñoz Gabiña izango dira ordezkariak.

Ohi bezala txapelketak talde erreleboko probarekin hasiko dira datorren ostiralean, arratsaldeko 16h00retan. Larunbat goizean jarraipena izango dute jarraipena txapelketek Euskadiko Selekzioarentzat. Goizeko 10h00etan kadete nesken proba abiatuko da, ordubete beranduago junior nesken txanda izango da eta goiza kadete mutilek itxiko dute eguerdian abiatuta. Igandean amaierara iritsiko dira txapelketok junior eta 23 urtez azpikoen lasterketekin. Goizeko 10h00etan hasiko da junior mutilen lasterketa eta ordubete beranduago, 11h00etan, 23 urtez azpiko gizonezkoen lasterketa izango da. Euskadiko Selekzioarentzat azkeneko lasterketa emakumezkoen lasterketa izango da 13h00tatik aurrera.