10-KOMARTXOA-KO2022
Catxonaren Oroimenezkoaren kartela
Pasa den igandeko Zaldibarko II. Emakumeen Saria eta gero igande honetan, martxoak 13an, Euskaldun Txapelketak beste lasterketa bat izango du Catxornaren Oroimenezkoarekin, Atarrabian. Bi lasterketa izango dira, goizeko 9h00etan juniorren lasterketa abiatuko da eta 59 kilometro izango dituzte. Behin juniorren lasterketa amaituta elite eta 23 urtez azpikoen lasterketa abiatuko da 11h15etan 95 kilometro betetzeko. Gogoratu Zaldibarko lasterketako eta gero Claire Steels (SWT-Elite), Idoia Eraso (LAB-S23) eta Estela Dominguez (BIO-Junior) direla txapelketaren liderrak.
Bestalde, afizionatu mutilek urteko lehen hitzordu nagusia izango dute igande honetan Aiztondo Klasikoan. Proba gipuzkoarra Espainiako Koparen baitan dago eta bertan guztira 26 talde batuko dira. Euskal talde hauek izango dira Larraulgo irteeran: Lizarte, Caja Rural-Alea eta Telco’m On Clima Oses (kopa osoa egiten dutenak) eta gonbidatuta: Laboral Kutxa, Baque, Eiser, Eibar Txirrindulari Taldea eta Eulen-Nuuk.
Kadete gizonezko mailako txirrindulariek ere hitzordu garrantzitsua izango dute asteburu honetan Aiarako Birako lehenengo bi etapekin. Larunbatean Amurrion lehenengo etapa ospatuko da eta igandean Baranbion bigarrena. Aiarako Birak guztira 30 talde bilduko ditu, 200 txirrindularietako tropela osatuz.
